په‌خێربێن بۆ مالپه‌ری خۆتان هیوادارم كاتێكی خۆش په‌سه‌ری ده‌رباس بكه‌ن

ره‌خنه‌ به‌ بۆنی گوڵ

الجمعة، 27 مايو، 2011

وتــــــار - وتار‌ى سه‌رۆكى په‌رله‌مانى كوردستان‌ له‌ یادى دامه‌زراندنى كۆمارى كوردستان له‌ شارى مه‌هاباد


PNA - ده‌قى وتار‌ى د. كه‌مال كه‌ركوكی سه‌رۆكى په‌رله‌مانى كوردستان‌ له‌ یادى دامه‌زراندنى كۆمارى كوردستان له‌ شارى مه‌هاباد . 
     
 به‌ناوى خواى گه‌وره‌و میهره‌بان


به‌ڕێز... نوێنه‌رى سه‌رۆك بارزانى...
به‌رێزان، سكرتێر و نوێنه‌رانى حزبه‌ سیاسییه‌كانى كوردستان...
به‌ڕێز... نوێنه‌رى سه‌رۆكى ئه‌نجومه‌نى وه‌زیران..
به‌ڕێزان.. ئه‌ندامانى په‌رله‌مان و وه‌زیرانى حكوومه‌تى هه‌رێمى كوردستان...
به‌رێزان... كونسوڵ و دیبلۆماته‌ عه‌ره‌بى و ئیسلامى و جیهانیه‌كان.
 به‌ڕێزان... كه‌سایه‌تى و زانایانى ئایینى ئیسلام.
خوشك و برایانى خۆشه‌ویست...میوانه‌ به‌ڕێزه‌كان...
ئه‌و كاته‌تان باش...به‌خێر بێن...
ئه‌مڕۆ به‌یه‌كه‌وه‌ و به‌ خۆشییه‌وه‌ یادى 65 مین ساڵرۆژى كۆمارى كوردستان له‌ مه‌هاباد كه‌ له‌ 22/1/1946دا هاته‌ دامه‌زراندن، له‌گه‌ڵ ئێوه‌ى به‌ڕێز ئه‌م یاده‌ ده‌كه‌ینه‌وه‌.
هه‌ر له‌م یاده‌ به‌خێر هاتنى خوشكى سه‌ربه‌رزى كوردستان خوشكه‌ له‌یلا زانا ده‌كه‌ین،، زۆر زۆر به‌خێر هاتى.
له‌م یاده‌ پیرۆزه‌دا سڵاو بۆ گیانى پاكى شه‌هیدان و كه‌سوكارى ئه‌نفالكراوان و گشت خوشك و برایه‌كى پێشمه‌رگه‌ى كوردستان، له‌ هه‌ر شوێنێك دا هه‌ن، سلاو بۆ هه‌ر هه‌موویان.

له‌م یاده‌دا
سڵاو له‌ئێوه‌ى به‌رێز
سڵاو له‌ ئازادى، سڵاو له‌ دیموكراسی ،
سڵاو له‌ دامه‌زرێنه‌رانى كۆمارى كوردستان له‌ مه‌هاباد، سڵاو له‌ رۆڵه‌ بیرپاكه‌كانى كه‌ پارێزگارییان له‌ كۆمارى كوردستان كرد.
ئه‌م یاده‌، یادى تروسكه‌ى رووناكیى و لابردنى تاریكیه‌،
یادى هه‌وڵدانه‌ بۆ نه‌هێشتنى زوڵم، یادى كه‌سانى شۆڕشگێڕ و له‌خۆبوردوو دڵسۆزه‌ بۆ نه‌هێشتنى زوڵم و ناعه‌داله‌تى،
یادى هه‌وڵدانه‌ بۆ سه‌رفرازى مرۆڤ و یادى خۆ قوربانى كردنه‌ بۆ گه‌ل و ووڵات، یادى خۆ به‌ده‌سته‌وه‌نه‌دان و سه‌برگرتن و فیداكاریی و باوه‌ڕبوونه‌ به‌ هێزى گه‌ل و به‌ سه‌ركه‌وتن و به‌ نیشتمان و به‌ پیرۆزى خاكى نیشتمان.
ئه‌م بیره‌وه‌ریه‌ ئاوڕدانه‌وه‌یه‌ له‌مێژوو یادى فیداكارى پێشمه‌رگه‌ گیان له‌سه‌ر ده‌سته‌كان و یادى پڕ ئومێدى دڵسۆزانه‌ به‌ داهاتووى رووناكتر، ڕوونكردنه‌وه‌ى پلانى دوژمنانى ئاشتى و ئازادى و یادى ریسواكردنى زیاترى حه‌مه‌ ره‌زا شاى دژ به‌ ئازادى و به‌ ئاشتى و به‌ گه‌ل و ووڵاته‌.
ئه‌م رۆژه‌ له‌ مێژووى میلله‌تى ئێمه‌دا، رۆژێكى گه‌ش و پرشنگداره‌ له‌ رێگه‌ى خه‌باتى نه‌پساوى دورودرێژى گه‌له‌كه‌ماندا له‌پێناو ئازادى و سه‌ربه‌خۆیى و گه‌یشتن به‌ مافه‌ ره‌واكانماندا..
ئه‌مڕۆ یادى ئه‌زموونێك له‌ به‌شێكى كوردستاندا ده‌كه‌ینه‌وه‌، كه‌ له‌ هه‌لومه‌رجی شه‌ڕى دووه‌مى جیهانى و، له‌ ئاكامى په‌لوپۆكه‌وتنى رژێمى سته‌مكارو ملهۆرى ره‌زا شا و به‌كۆتاهاتنى ئه‌و شه‌ڕه‌دا، كه‌ گه‌له‌كه‌مان ئازادانه‌ و به‌پشته‌وانى هێزو تواناى زاتى خۆى و هاوكارى هێزه‌ دیموكرات و ئازادیخوازه‌كانى ئه‌وسا و به‌ رابه‌رى پێشه‌وا قازى محه‌مه‌د، پراكیتیزه‌ى مافى چاره‌ى خۆنووسینى كردو كۆماری كوردستانى دیموكراتی له‌ شارى مه‌هابادى خۆشه‌ویست و خۆڕاگردا راگه‌یاند.
ئه‌م ئه‌زموونه‌، یه‌كێكه‌ له‌ سه‌روه‌رییه‌كانى گه‌له‌كه‌مان و به‌هه‌ق بووه‌ته‌ سمبولى وه‌فادارى و یه‌كێتى نه‌ته‌وه‌یى كورد و سووربوون له‌سه‌ر تێكۆشان دژى سته‌مكاران له‌ پێناو ئازادى و مافه‌ ره‌واكاندا وه‌كو هه‌ر گه‌لێكى ترى دنیا....

خوشكان.. برایان
 ته‌جروبه‌ى حوكمڕانیى كۆمارى كوردستان له‌ مه‌هاباد، دووه‌م ته‌جروبه‌ى حوكمڕانى خۆبه‌خۆ و ئازادانه‌ى گه‌لى كورده‌ له‌ به‌شێكى وڵاته‌كه‌یدا. ته‌جروبه‌ى یه‌كه‌م له‌دواى بڕانه‌وه‌ى شه‌ڕى یه‌كه‌مى جیهاندا، له‌ ماوه‌ى نێوان 1918-1922، له‌ به‌شێكى كوردستانى باشووردا، له‌ سلێمانى، شێخ مه‌حمودى نه‌مر حوكمڕانییه‌كى خۆبه‌خۆى كوردانه‌ى دامه‌زراند. ئێستاش گه‌لى كوردستان له‌ به‌شێكى باشوورى كوردستاندا، ته‌جروبه‌ى سێیه‌م به‌ڕێوه‌ ده‌بات كه‌ به‌ ره‌سمى به‌ هه‌رێمى كوردستانى عێراق ناسراوه‌و له‌ ده‌ستوورى عێراقدا دانى پێدانراوه‌ و له‌ دواى 1991-ه‌وه‌، ئه‌زموونێكى دیموكراتى و حوكمڕانیى خۆبه‌خۆو ئازادانه‌یه‌، به‌ڵام له‌ هه‌لومه‌رجێكى ناوخۆیى و هه‌رێمایه‌تى و نێوده‌وڵه‌تى  گونجاوتردا كه‌ ئه‌مڕۆ له‌ سایه‌یدا ئه‌م یاده‌ به‌ ئازادى و به‌یه‌كه‌وه‌ ده‌كه‌ینه‌وه‌...
له‌م یاده‌دا جێگه‌ى خۆیه‌تى ئه‌وه‌ به‌بیر بهێنینه‌وه‌ كه‌ مێژووى نوێى بزاڤى رزگاریخوازیى كوردستان له‌ بزووتنه‌وه‌ى شێخى نه‌هریی و شێخ عه‌بدولسه‌لامى بارزانییه‌وه‌ بگره‌ تا راپه‌رین و شۆرشه‌كانى شێخ مه‌حموود و شێخ سه‌عیدى پیران و بارزان و دامه‌زرانى كۆمار و تا به‌ ئه‌مڕۆ ده‌گات، پڕه‌ له‌ هه‌وارزو نشێو، له‌ راپه‌رین و شۆرش، پڕ له‌ سه‌روه‌رى و ده‌سكه‌وت و نسكۆ و زنجیره‌ ئه‌ڵقه‌یه‌كى به‌یه‌كه‌وه‌ به‌ستراون وبه‌یه‌كه‌وه‌ مێژووى گه‌له‌كه‌مان پێكدێنن. ئه‌و قه‌واره‌یه‌ى ئێستامان له‌ هه‌رێمى كوردستاندا، به‌رهه‌مى ئه‌و مێژووه‌ دوورودرێژه‌ى خه‌باتى نه‌پساوى كوردو كوردستانییه‌كانه‌ كه‌ له‌ زۆر وێستگه‌ى مێژوویدا، هه‌ڕه‌شه‌ى مان و نه‌مان و جینۆسایدى له‌سه‌ر بووه‌ و به‌سه‌رفرازییه‌وه‌ لێى ده‌رچووین و دوژمنان و سته‌مكارانیش ره‌زیل و ریسوا بوون و جێگه‌یان له‌ مێژوودا دیاره‌ له‌ حه‌مه‌ ره‌زا شاوه‌ بگره‌ تا صه‌دام حسێن...
گرنگترین ده‌رسێكى ئه‌زموونى كۆمارى كوردستان  له‌ مه‌هاباد به‌لاى ئێمه‌وه‌ ئه‌وه‌یه‌، كه‌ گه‌لى كوردستان ته‌باى گه‌لانى ترى دنیا، مافى چاره‌ى خۆنووسینى خۆى هه‌یه‌، مافى ئه‌وه‌ى هه‌یه‌ به‌ ئازادانه‌ رێگه‌ى په‌ره‌سه‌ندنى سیاسى و كۆمه‌ڵایه‌تى و كولتوورى خۆى دیارى بكات. ئه‌گه‌ر هه‌لومه‌رج و ده‌رفه‌تى بۆ هه‌ڵبكه‌وێ كوردیش ده‌توانێ و به‌ ته‌جره‌به‌ش ساغى كردۆته‌وه‌ كه‌ حوكمڕانێتییه‌كى مه‌ده‌نى و دیموكراتى و پڕ له‌ ئه‌من و ئه‌مانه‌ت له‌ وڵاته‌كه‌یدا دابمه‌زرێنێ.  كورد وه‌كو نه‌ته‌وه‌ گه‌لێكى ئازادیخواز، ئاشتی دۆست و به‌ په‌رۆشى برایه‌تى و به‌یه‌كه‌وه‌ژیان و مافه‌كانى مرۆڤه‌. ئه‌گه‌ر له‌ سته‌مو زۆر ئازاد بێت ده‌توانێ وڵاته‌كه‌ى خۆى به‌ڕێوه‌ بباو ببوژێنێته‌وه‌و گه‌شه‌پێبدات و ئاوه‌دان بكاته‌وه‌ و دۆستایه‌تى-یش له‌گه‌ڵ ده‌وروبه‌رى خۆى و دنیادا بكات.
لێره‌دا هه‌ر دوو نموونه‌ دێنمه‌وه‌، بێ حیكمه‌ت نییه‌ له‌ ماوه‌ى 11 مانگى  ته‌مه‌نى كۆمارى كوردستاندا، ته‌نیا (1) كه‌س كوژرا بێت و ئه‌من و ئه‌مانه‌تێكى ته‌واو له‌ ناوچه‌ى ژێرده‌سه‌ڵاتى كۆمارى كوردستان هه‌بووه‌، خه‌ڵك له‌ سه‌رو ماڵى خۆى دڵنیا بووه‌. ئه‌مڕۆش، لێره‌، وه‌ك ده‌بینن هه‌رێمه‌كه‌ى ئێمه‌، هه‌رێمێكى پڕ ئه‌من و ئه‌مانه‌تى ناو عێراقه‌ و ته‌نانه‌ت به‌ عێراقه‌كه‌ى تر ناو ده‌برێت..
نموونه‌ى تر، كه‌ كورد ئازاد ده‌بێت و حوكمى خۆى ده‌كات، ده‌رفه‌تێكى بێ سنوور بۆ ئازادیى راده‌ربرین و بڵاوكردنه‌وه‌ ده‌كاته‌وه‌، ئه‌وه‌تا ده‌بیندرێ له‌ سایه‌ى كۆماردا له‌ مه‌هابادو شاره‌كانى تردا، چاپخانه‌ دامه‌زراوه‌و چه‌ندین رۆژنامه‌و گۆڤار و كتێب به‌ زمانى كوردى، له‌وانه‌ رۆژنامه‌ى (كوردستان) ده‌رچوون و بڵاوكراونه‌ته‌وه‌ ئه‌مه‌ سه‌ربارى خوێندن و نووسین به‌ زمانى كوردى و به‌كارهێنانى له‌كاروبارى ره‌سمیدا... دامه‌زراندنى سینه‌مه‌و ڕادیۆ و ئه‌مڕۆش له‌ هه‌رێمى كوردستاندا ده‌بینین ئازادیى راده‌ربڕین و بڵاوكردنه‌وه‌ چۆته‌ قۆناخێكى ئێجكار گه‌شه‌وه‌ و زێتر له‌ هه‌زار كه‌ناڵى میدیایى كارو وه‌زیفه‌ى خۆیان ده‌كه‌ن كه‌ بووه‌ته‌ مایه‌ى فه‌خرو شانازى بۆ هه‌موومان...
ده‌كرێ له‌ هه‌موو بواره‌كانى ژیاندا نموونه‌ بهێنینه‌وه‌، به‌ڵام ئه‌وه‌ى كه‌ زۆر گرنگه‌ ئاماژه‌ى بۆ بكه‌ین، ئه‌وه‌یه‌ وێراى ئه‌وه‌ى گه‌ كورد وه‌كو نه‌ته‌وه‌یه‌ك له‌ مێژوودا زوڵمى لێكراوه‌،  دابه‌ش- دابه‌ش بووه‌ و نه‌یتوانیوه‌ له‌به‌ر چه‌ندین هۆكار ده‌وڵه‌تى سه‌ربه‌خۆى خۆى دابمه‌زرێنێ و رێگه‌ى پراكتیزه‌كردنى مافى چاره‌ى خۆنووسینى لێگیراوه‌ و لێ زه‌وت كراوه‌، لێ ناوه‌ڕۆكى بزووتنه‌وه‌ى رزگاریخوازیى كورد، ناوه‌ڕۆكێكى دیموكراتى و ئینسانى هه‌بووه‌و هه‌یه‌ و دژى سته‌موزۆرو دیكتاتۆرییه‌ نه‌ك دژ به‌ گه‌لانى عه‌ره‌ب و فارس و تورك و ئه‌وانى تر.  كورد وه‌كو نه‌ته‌وه‌یه‌ك دۆزێكى ره‌واى هه‌یه‌ وله‌ هه‌ر پارچه‌یه‌كى وڵاته‌كه‌شیدا، سه‌ركه‌وتنێك وه‌ده‌ست هاتبێ، سه‌ركه‌وتن و سه‌روه‌رى بووه‌ بۆ ته‌واوى  میلله‌تى  كورد و كوردستانیه‌كانى ئه‌و ناوچانه‌و هه‌موو به‌هى خۆیان زانیوه‌و، پێش دامه‌زرانى كۆماریش بارزانیى نه‌مر به‌ هاناى ئه‌ودیوه‌وه‌ چووه‌و له‌ ژێر رابه‌رایه‌تیى پێشه‌وا قازیدا، وه‌ك چۆن له‌مدیوه‌دا به‌ گژ داگیركه‌ران و سته‌مكاراندا ده‌چۆوه‌، ئا له‌ودیویش به‌هه‌مان روحیه‌ت، بۆ پاراستن و داكۆكیكردن له‌ كۆمار له‌ به‌رانبه‌ر رژێمى شاهه‌نشاهیى زۆردارى ئه‌وساى ئێراندا به‌ره‌نگاریى كردووه‌ و لێنه‌گه‌ڕاوه‌ ئاڵاى مقاوه‌مه‌ت بێته‌ خواره‌وه‌..
كورد له‌ ناوچه‌كه‌دا، هۆكارى سه‌قامگیرى و ئاشتى و ئاسایش و داینه‌مۆى وه‌رچه‌رخانه‌ به‌ره‌و  برایه‌تى و پێكه‌وه‌ژیانى به‌ ئاشتییانه‌ و مه‌ترسى نییه‌ بۆ سه‌ر ئاسایشى ناوچه‌كه‌و گه‌لانى تر... به‌پێچه‌وانه‌وه‌ كورد له‌گه‌ڵ دیموكراسى و مافه‌كانى مرۆڤ و ئاشتى و پێكه‌وه‌ژیان و عه‌داله‌ت بووه‌...
به‌ڕێزان خوشكان برایان...
پێویسته‌ باس له‌ دوو كه‌سایه‌تى چاره‌نووسسازى ئه‌و گه‌له‌ له‌و كۆماره‌ دره‌وشاوه‌ى گه‌لى كوردستان بكه‌ین یه‌كه‌م پێشه‌وا قازى محمه‌د سه‌رۆك كۆمارى كوردستان كه‌ به‌ سیاسه‌ته‌ حه‌كیمانه‌ ئاشتیخوازه‌كه‌ى گیانى خۆى به‌خشى و گیانى هه‌زاران تێكۆشه‌رى له‌ مه‌رگ رزگار كرد، پێشه‌وا مرۆڤ و مرۆڤ دۆست بوو پێش هه‌موو شت ڕێز له‌ كه‌رامه‌تى كۆمه‌ڵگه‌و مافه‌ سروشتیه‌كانى ده‌گرت باوه‌رێكى پته‌وى به‌ سه‌ربه‌خۆى میلله‌ته‌كه‌ى هه‌بوو باوه‌ڕى به‌ خۆى هه‌بوو له‌ماوه‌ى كورتى كۆمارى كوردستاندا به‌ زانایى خۆى سه‌لماندى كه‌ گه‌لى كوردیش ده‌توانێت و ده‌بێت چاره‌نووسى خۆى به‌ ده‌ستى خۆى دیارى بكات، ڕێبه‌رو كه‌سایه‌تیه‌كى دیكه‌ كه‌ ڕاسته‌وخۆ له‌ كۆماردا نه‌خشى هه‌بوو بارزانى نه‌مرو پێشمه‌رگه‌ بارزانیه‌كان ڕۆلی گرینگ و مێژووییان نواند له‌ پاراستنى پێشه‌وا قازى محه‌مه‌د و له‌ نه‌یارانى ناوخۆ و ده‌ره‌كى وه‌ ڕۆڵى به‌رچاویان هه‌بوو له‌ پاراستنى كۆمارى كوردستان . بارزانى نه‌مر پله‌ى ژه‌نه‌ڕاڵى پێدرا فه‌رمانده‌ى هێزى پێشمه‌رگه‌ى كوردستان بوو، دواى كۆمارى كوردستانیش بارزانى نه‌مر رێبه‌رایه‌تى بزوتنه‌وه‌ى كوردستانى كرد و بارزانى نه‌مر بوو كه‌ ئاڵاى كوردستانى پاراست ئه‌و ئاڵایه‌ى كه‌ پێشه‌وا قازى محه‌مه‌د پێى سپاردبوو.
له‌ كۆتاییدا جارێكى تر به‌خێرهاتنى ئێوه‌ى به‌ڕێز ئه‌كه‌ین و زۆر زۆر شادین و خۆشحاڵین كه‌ ئێوه‌ى خۆشه‌ویست لێره‌ ئه‌بینین.
ئه‌وه‌ى ئیمڕۆ لێره‌دا تیشكمان نه‌خسته‌ سه‌رى هۆى شكستى ئه‌م كۆماره‌بوو ئه‌ویش چونكه‌ ئه‌مڕۆ له‌ یادى دروست بوونى له‌ یادى ڕاگه‌یاندنى كۆمارى كوردستان له‌ مهاباد ئه‌م بۆنه‌ لێى حازرین. به‌ڕێزان له‌گه‌ڵ ئه‌وه‌ى دوژمنانى ئێمه‌ پێیان وابوو كه‌ كۆمارى كوردستان شكستى هێناو (الى الابد) به‌ڵام خه‌یاڵیان خاوه‌ میلله‌تى كورد زیندووه‌و ئه‌و ده‌ستكه‌وتانه‌ى كه‌ كۆمارى كوردستان له‌ مهاباد به‌ ده‌ستهات له‌وانه‌، ئاڵاى كوردستان، چوونه‌ ناو كۆمه‌ڵى خوشكان بۆ كاركردن له‌گه‌ڵ براكانیان، هه‌روه‌ها پێكهێنانى هێزى پێشمه‌رگه‌و چاپه‌مه‌نییه‌كان كه‌ ئێستاش و دواڕۆژیش ئه‌سه‌رى ئه‌مێنێته‌وه‌.
من جارێكى تر به‌خێرهاتنى یه‌كه‌یه‌كه‌ى ئێوه‌ى به‌ڕێز وخۆشه‌ویست، سكرتێرى لایه‌نه‌ سیاسیه‌كانى خۆشه‌ویست ئه‌ندامانى مه‌كته‌بى سیاسى خوشكان برایان میوانانى له‌دوور هاتن دووباره‌ به‌خێربێن ئه‌م یاده‌ له‌ هه‌مووتان پیرۆز بێتن و سه‌ركه‌وتووبن و یه‌كڕیزیش بۆ هه‌موو لایه‌ك ئاواته‌ خوازین هه‌موو نوێنه‌رانى په‌رله‌مانى كوردستانى عێراق ... هه‌ر سه‌ركه‌وتووبن.





زياتر بخوێنه‌وه‌ ....

نێوده‌وڵه‌تی - ته‌نها دوێنێ هێزه‌كانی سوریا 44 خۆپێشانده‌ریان كوشتووه‌و له‌ناویاندا منداڵێكیش هه‌یه‌

PNA – له‌چوارچێوه‌ی خۆپێشاندانه‌ به‌ر فراوانه‌كه‌ی دوێنێی وڵاتی سوریا كه‌ له‌زۆربه‌ی شارو شارۆچكه‌كانی ئه‌و وڵاته‌ به‌ڕێوه‌چوو، هێزه‌ ئه‌منییه‌كان له‌و كاته‌ی به‌چه‌ك هه‌وڵی په‌رته‌وازه‌ پێكردنی خۆپێشانده‌ران بوون 44 خۆپێشانده‌ریان كوشتووه‌ كه‌ له‌نێوانیاندا منداڵێك هه‌یه‌. 

له‌مباره‌یه‌وه‌ ئه‌مڕۆ شه‌ممه‌ (21ی ئایار /  مایۆ 2011) سه‌رۆكی رێكخراوی نیشتمانی بۆ مافه‌كانی مرۆڤ له‌سوریا (عه‌مار قوربی) كه‌ ئێستا له‌(قاهیره‌)ی پایته‌ختی میسر نیشته‌جێیه‌ به‌ ئاژانسی هه‌واڵی فه‌ره‌نسا (فرانس پرێس) راگه‌یاندووه‌ كه‌ هێزه‌ ئه‌منییه‌كانی سوریا بۆ سه‌ركوتكردنی خۆپێشاندانه‌كانی دوێنێ ته‌قه‌یان له‌هاوڵاتیان كردووه‌ و ده‌رئه‌نجامی ئه‌و په‌لاماره‌دا 44 خۆپێشانده‌ر گیانیان له‌ده‌ستداوه‌ كه‌ له‌ناویاند منداڵێكیش هه‌یه‌.
قوربی له‌په‌یوه‌ندییه‌كی ته‌له‌فۆنیدا ئه‌و زانیارییانه‌ی به‌فرانس پرێس روونكردۆته‌وه‌ و ناوی ته‌واوی كوژراوه‌كانی دوێنێی به‌ره‌ی خۆپێشاندانه‌كانی پێ راگه‌یاندوون.
دوێنێ هه‌ینی (20ی ئایار / مایۆ 2011) له‌سه‌ر زۆربه‌ی شوێنه‌كانی وڵاتی سوریا به‌بێ جیاوازیی نه‌ته‌وه‌یی و ئایینی خۆپێشاندانی به‌رفراوان به‌ناوی (هه‌ینی ئازادی) دژ به‌حكومه‌تی وڵاته‌ به‌ڕێوه‌چوو و تێیدا خۆپێشانده‌ران داوای رووخانی حكومه‌تیان ده‌كرد.
جێی ئاماژه‌یه‌ پێشووتر سه‌رچاوه‌كانی هه‌واڵ ئاماری خۆپێشانده‌ره‌ كوژراوه‌كانی دوێنێ سوریایان به‌ 34 كه‌س راگه‌یاند بوو.
زياتر بخوێنه‌وه‌ ....

نێوده‌وڵه‌تی - هێزه‌کانی ئه‌مه‌نیی سوریا جارێکی دیکه ته‌قه‌یان له خۆپێشانده‌ران کرده‌وه

PNA- شه‌وی رابردوو، سه‌دان خۆپێشانده‌ر له شاری "ده‌رعا"ی باشووری سوریا رژانه سه‌ر شه‌قامه‌کان و داوای ده‌ست له‌کار کێشانه‌وه‌ی "به‌شار ئه‌سه‌د"یان کرد. 

به‌پێی هه‌واڵێکی رۆیترز، شایه‌تحاڵان گوتوویانه، هێزه‌کانی ئه‌منیی سوریا، گوللـه‌ی راسته‌قینه‌یان دژی خۆپێشانده‌ران به‌کار هێناوه.
له‌لایه‌کی دیکه‌وی، رێکخراوی لێبوردنی نێوده‌وڵه‌تی گوتوویه‌تی، گرته‌یه‌ی ڤیدیۆیان به‌ده‌ست هێناوه که تێیدا به ئاشکرا دیاره حکومه‌تی سوریا سیاسه‌تی "ته‌قه کردن به‌مه‌به‌ستی کوشتن"ی له خۆپێشاندانه‌کانی ئه‌م وڵاته گرتۆته‌به‌ر.
ئه‌م رێکخراوه گوتوویه‌تی، ئه‌م ڤیدیۆیه ده‌گه‌ڕێته‌وه بۆ مانگه‌کانی ئادار/مارس و نیسان/ئه‌پریل که له ده‌رعا گیراوه.
ئه‌م رێکخراوه ده‌ڵێت، ناوی 720که‌سی له‌لایه که به‌ده‌ست هێزه‌کانی ئه‌منیی سوریا کوژراون.
زياتر بخوێنه‌وه‌ ....

نێوده‌وڵه‌تی - خۆپیشانده‌ران داوایان له‌ سوپای‌ سوریا كرد بێنه‌ ریزی‌ جه‌ماوه‌ره‌وه‌

Peyamner
PNA- چالاكوانانی‌ سیاسی‌ له‌ سوریا داوایان له‌ هێزه‌كانی‌ سوپای‌ ئه‌و وڵاته‌ كردووه‌ بێنه‌ ریزی‌ خۆپیشانده‌ران و پشتیوانی‌ له‌ نه‌یارانی‌ حكوومه‌تی‌ ئه‌سه‌د بكه‌ن 


چالاكوانانی‌ سیاسی‌ نه‌یاری‌ حكوومه‌تی‌ به‌شار ئه‌سه‌د له‌ سوریا، بانگه‌وازێكیان ئاراسته‌ی‌ سوپای‌ ئه‌و وڵاته‌ كردووه‌ و داوایان له‌ سه‌ربازه‌كان كردووه‌ بێنه‌ ناو ریزی‌ جه‌ماوه‌ری‌ خۆپیشانده‌ره‌وه‌.

نه‌یارانی‌ حكوومه‌تی‌ ئه‌سه‌د داوایان له‌ سه‌ربازه‌كانی‌ سوپای‌ سوریا كردووه‌ به‌ ریزی‌ خۆپیشاندانه‌كانی‌ ئه‌مڕۆی‌ شاره‌كانی‌ سوریا په‌یوه‌ست بن و خۆیان له‌ كوشتنی‌ خۆپیشانده‌ران ببوێرن.

ئه‌م بانگه‌وازه‌ی‌ چالاكوانانی‌ سیاسی‌ دوای‌ ئه‌وه‌ دێت كه‌ حكوومه‌تی‌ سوریا بۆ كۆتایی‌ هێنان به‌ خۆپیشاندانه‌كان، یه‌كه‌ سه‌ربازیه‌كانی‌ سوپای‌ به‌ تانك و چه‌كی‌ قورسه‌وه‌ هێناوه‌ته‌ سه‌ر شه‌قامی‌ شاره‌كان.

چالاكوانانی‌ سیاسی‌ سوریا ده‌ڵێن گه‌وره‌ ئه‌فسه‌ره‌كانی‌ سوپای‌ سوریا كه‌ زۆربه‌یان سه‌ر به‌ كه‌مینه‌ی‌ عه‌له‌وی‌ ده‌سه‌ڵاتدارن، هه‌ر سه‌ربازێك ته‌قه‌ له‌ خه‌ڵك نه‌كات، ده‌یكوژن.

چاودێرانی‌ سیاسی‌ ده‌ڵێن ئه‌م بانگه‌وازه‌ زیاتر بۆ رووخاندنی‌ وره‌ی‌ ریزه‌كانی‌ سوپای‌ سوریایه‌ و هه‌تا ئێستا هیچ نموونه‌یه‌ك له‌ به‌جێ‌ هێشتنی‌ ریزه‌كانی‌ سوپا نه‌بینراوه‌.

زياتر بخوێنه‌وه‌ ....

عێراقی - عه‌لاوی هه‌ڵوێستێكی توند ده‌گرێته‌به‌ر

PNA – ئه‌مڕۆ سه‌رۆكی لیستی عێراقیه‌ هه‌ره‌شه‌ی گرتنه‌به‌ری هه‌ڵوێستێكی توندی له‌ پرۆسه‌ی سیاسی عێراق راگه‌یاند ئه‌گه‌ر بێتو ئه‌و نۆ ته‌وه‌ره‌ی له‌ رێككه‌وتنه‌كه‌ی سه‌رۆكی هه‌رێم دا هه‌یه‌ جێبه‌جێ نه‌كرێت. 

له‌ كۆنگریه‌یه‌كی رۆژنامه‌وانی دا دوای كۆبوه‌نه‌وه‌ی له‌گه‌ڵ سه‌ركرده‌و ئه‌ندامانی لیسته‌كه‌ی كه‌ له‌ نێوانیاندا نوجه‌یفی ئاماده‌بوو "ئه‌یاد عه‌لاوی رایگه‌یاند: كۆبوونه‌وه‌كه‌مان ئیجابی بوو, به‌كۆی ده‌نگی سه‌ركرده‌كانی لیستی عێراقیه‌ هه‌ندێك بڕیاری گرنگ سه‌رباره‌ت به‌وه‌ی له‌ گۆره‌پانی سیاسی عێراق ده‌گوزه‌رێ درا, ئاشكراشی كرد: ئاماده‌ین نامه‌یه‌كی نوسراوی روون ئاراسته‌ی لایه‌نه‌كان و قه‌واره‌ سیاسیه‌كان بكه‌ین سه‌باره‌ت به‌ بنه‌مای پێكه‌وه‌ ژیان كه‌ به‌گوێره‌ی ده‌ستپێشخه‌ریه‌كه‌ی بارزانی بڕیاری له‌سه‌ر دراوه‌.
ئاماژه‌شیدا: لیسته‌كه‌یان له‌ كۆبونه‌وه‌ی داهاتوودا ماوه‌یه‌ك بۆ جێبه‌جێ كردنی هه‌ر نۆ ته‌وه‌ری رێككه‌وتنه‌كه‌ به‌شێوه‌یه‌كی ته‌واو دیاری ده‌كات, هه‌ڕه‌شه‌ی ئه‌وه‌شی كرد: هه‌ڵوێستێكی توند سه‌باره‌ت به‌ ته‌واوی پرۆسه‌ی سیاسی ده‌گرێته‌به‌ر ئه‌گه‌ر بێتو بڕگه‌كانی رێككه‌وتنه‌كه‌ی بارزانی جێبه‌جێ نه‌كرێت, هه‌روه‌ها ئه‌وكاته‌ به‌ره‌ی گه‌ل و داخوازی و ئاواته‌كانی هه‌ڵده‌بژێرێت.
داواشی له‌ قه‌واره‌كانی په‌رله‌مان كرد به‌ ئه‌نجامێكی روون كۆبوونه‌وه‌ی رۆژی دووشه‌ممه‌ی داهاتوو كۆتایی پێبێنن وه‌ڵامی هه‌موو داخوازیه‌كانی عێراقیه‌ به‌بێ زیادوكه‌م بده‌نه‌وه‌, ئه‌وشی دوپاتكرده‌وه‌: لیسته‌كه‌یان وازی له‌ ده‌ستكه‌وته‌كانی نشتیمانی و ده‌ستوری و دیموكراتی خۆی هێنا و له‌ پێناو رێزگرتن له‌ گه‌لی عێراق په‌نای بۆ هاوبه‌شی نشتیمانی برد. 
ئه‌وه‌ی جێی ئاماژه‌یه‌ سه‌باره‌ت به‌ بڕگه‌كانی رێككه‌وتنی هه‌ولێر ناكۆكی كه‌وتۆته‌ نێوان لیستی عێراقیه‌ و هاوپه‌یمانی نشتیمانی به‌تایبه‌تی ره‌شنوسی یاسای ئه‌نجومه‌نی سیاسه‌ته‌ ستراتیژیه‌كان و میكانیزمی هه‌ڵبژاردنی سه‌رۆكی ئه‌و ئه‌نجومه‌نه‌, هه‌ر بۆیه‌ سه‌ركرده‌كان و ئه‌ندامانی قه‌واره‌ سیاسیه‌كان به‌رده‌وام له‌سه‌ر ئه‌م بابه‌ته‌ ره‌خنه‌ له‌یه‌كتری ده‌گرن
زياتر بخوێنه‌وه‌ ....

کوردستانی - سه‌رۆکى هه‌رێمى کوردستان له‌گه‌ڵ هه‌ردوو مه‌کته‌بى سیاسیى پارتی و یه‌کێتی کۆبۆوه‌

PNA- پێش نیوه‌ڕۆى ئه‌مڕۆ "مه‌ه‌سعود بارزانى" سه‌رۆکى هه‌رێمى کوردستان، له‌شارۆچکه‌ى پیرمام سه‌رپه‌رشتیى کۆبونه‌وه‌یه‌کى هاوبه‌شى هه‌ردوو مه‌کته‌بى سیاسیى "یه‌کێتیی نیشتمانیی کوردستان و "پارتى دیموکراتی کوردستان"ی کرد. 



له‌ کۆبونه‌وه‌که‌دا وێڕاى باسکردنى  هه‌ندێ بابه‌تى سیاسیى گشتى، سه‌رۆکى هه‌رێم به‌دواداچوونى بۆ ئه‌و ئاماده‌کاریانه‌ کرد  که‌ له دواى بانگه‌وازه‌که‌یه‌وه‌ بۆ کۆبوونه‌وه‌ى نێوان یه‌کێتى و پارتى له‌گه‌ڵ حزبه‌کانى ئۆپۆزسیۆن کراون.
له‌و باره‌وه‌ وه‌فدى هه‌ردوو مه‌کته‌بى سیاسى له چوارچێوه‌ى باسکردنێکى هه‌مه‌لایه‌نه‌ى بارودۆخى سێ مانگى رابردووى کوردستان و ئه‌گه‌ره‌کانى داهاتوو، ته‌ئکیدیان له‌سه‌ر ئه‌وه‌ کرده‌وه که‌ وه‌ک پێشووتریش هه‌ڵوێستى ئیجابیى خۆیان بۆ کۆبوونه‌وه‌ له‌گه‌ڵ لایه‌نه‌کانى ئۆپۆزسیۆن راگه‌یاندووه‌، لاى خۆیانه‌وه‌ به‌شێوه‌یه‌کى جدى خۆیان بۆ کۆبوونه‌وه‌کان ئاماده‌ کردووه‌.
دواتر مه‌سعود بارزانی ته‌ئکیدى له‌سه‌ر گرنگیى دانوستان کرده‌وه و داواى له مه‌کته‌بى سیاسیى هه‌ردوولا کرد که په‌یوه‌ندى به لایه‌نه‌کانى ئۆپۆزسیۆنه‌وه‌ بکه‌ن و له‌سه‌ر کاتى ده‌ستپێکردنى کۆبوونه‌وه‌کان رێک بکه‌ون.
له ته‌وه‌رێکى دیکه‌دا، سه‌رۆکى هه‌رێمی کوردستان هه‌ردوو مه‌کته‌بى سیاسیى راسپارد که به هه‌موو توانایانه‌وه‌ پشتگیرى له هه‌نگاوه‌کانى چاکسازى بکه‌ن که حکومه‌تى هه‌رێم به چاودێرى و رێنوێنیى سه‌رۆکى هه‌رێم ده‌ستى پێکردووه‌.
هه‌روه‌ها مه‌سعود بارزانی هه‌ردوولاى راسپارد که بۆ نیازپاکى و سازدانى زه‌مینه‌یه‌کى هێمنى  دوور  له گرژى، راگه‌یاندنه‌کانى خۆیان به‌و ئاراسته‌یه‌ رێنوێنى بکه‌ن که ده‌ستپێشخه‌ربن  و ره‌وت و ئاراسته‌ى کارى راگه‌یاندنه‌کانیان له‌گه‌ڵ هه‌لومه‌رجى دانوستان و زه‌مینه‌سازیى که‌ش و هه‌وایه‌کى دوور له بارگرژى بگونجێنن. بۆیه‌ هه‌ردوو مه‌کته‌بى سیاسى بڕیاریان دا هه‌موو بابه‌ت و به‌رنامه‌کانى راگه‌یاندنیان دوربێ له‌ گرژى و له‌گه‌ڵ هه‌لومه‌رجى دانوستاندن گونجاو بێت.
له‌م کۆبوونه‌وه‌یه نوێنه‌رانى هه‌ردوو مه‌کته‌بى سیاسى راسپێردران بۆ په‌یوه‌ندی کردن به لایه‌نه‌کانى ئوپوزیسیون و دیارکردنى شوێن و کاتى ده‌ست پێکردنى کۆبوونه‌وه‌کان.

زياتر بخوێنه‌وه‌ ....

الثلاثاء، 24 مايو، 2011

کوردستانی - كۆنگره‌یه‌كی رۆژنامه‌وانی تایبه‌ت به‌ خولی فێربوونی زمانی ئینگلیزی و سیسته‌می ناردنه‌ ده‌ره‌وه‌ی قوتابیان

PNA- ئه‌مڕۆ (25ی ئایار/مایۆ) كۆنگره‌یه‌كی رۆژنامه‌وانی له‌ نێوان یه‌كێتی قوتابیانی كوردستان و كۆلیژی كامبریج سه‌باره‌ت به‌ خولی فێربوونی زمانی ئینگلیزی و راگه‌یاندنی گۆڕانكاری له‌ ڤیزا بۆ وڵاتانی به‌ڕیتانیا و ئه‌مه‌ریكا به‌ڕێوه‌چوو.
سه‌ره‌تا "عیرفان عه‌زیز" سكرتێری یه‌كێتی قوتابیانی كوردستان رایگه‌یاند، ئێمه‌ وه‌كو یه‌كێتی قوتابیانی كوردستان هه‌میشه‌ خه‌مخۆری توێژی قوتابیان بووینه‌ و ئه‌مه‌ش هه‌نگاوێكی پیرۆزه‌ كه‌ توانیومانه‌ له‌گه‌ڵ زانكۆی كامبریج  چه‌ند ئاسانكارییه‌ك بۆ قوتابیان بكه‌ین له‌وانه‌:
زانكۆی كامبریج داشكانی بۆ ئه‌و قوتابیانه‌ كردووه‌ كه‌ ده‌یانه‌وێ فێری زمانی ئینگلیزی ببن، ئه‌وان بۆ هه‌ر مانگێك (400) دۆلار وه‌رده‌گرن به‌ڵام بۆ ئێمه‌ داشكانیان كردووه‌و بۆ هه‌ر مانگێك (133) دۆلار وه‌رده‌گرن، بۆیه‌ هه‌ر قوتابییه‌ك بیه‌وێ ده‌توانێ له‌ رێی ئێمه‌وه‌ به‌بێ جیاوازی ره‌گه‌ز، ئایین، نه‌ته‌وه‌ و بیرو بۆچوونی سیاسی داواكاری بۆ فێربوونی زمانی ئینگلیزی پێشكه‌ش بكات ئه‌مه‌ش هه‌نگاوێكی پیرۆزه‌ چونكه‌ خۆمان ده‌زانین هه‌م ئێمه‌ وه‌كو  یه‌كێتی قوتابیانی كوردستان هه‌م حكومه‌تی هه‌رێمی كوردستان له‌ پڕۆژه‌ی تواناسازی قوتابییه‌كی زۆر ده‌نێرێته‌ ده‌ره‌وه‌ و كه‌ به‌شی زۆریان بۆ وڵاتانی ئه‌مه‌ریكا و به‌ڕیتانیایه‌ كه‌ هه‌ردووكیان پێویستسان به‌ زمانی ئینگلیزییه‌، بۆیه‌ ئێمه‌ ئه‌و هه‌نگاوه‌مان ناوه‌ بۆ ئه‌وه‌ی كێشه‌ی قوتابیان كه‌م بكه‌ینه‌وه‌.

قوتابیان ده‌توانن له‌ رێگای زانكۆی كامبریجه‌وه‌ تاقیكردنه‌وه‌ی خۆیان ئه‌نجام بده‌ن و 50% داشكانیان بۆ كراوه‌ ئه‌و پاره‌یه‌ش كه‌ ده‌مێنێته‌وه‌ بۆ قوتابیانی كه‌مده‌رامه‌ت به‌كارده‌هێنرێت و یه‌كێتی قوتابیانی كوردستان ئه‌ركی قوتابیانی كه‌مده‌رامه‌ت له‌ ئه‌ستۆ ده‌گرێت.

وتیشی: ئه‌م هه‌نگاوه‌ی یه‌كێتی قوتابیانی كوردستان له‌گه‌ڵ كۆلیژی كامبریج له‌ به‌رژه‌وه‌ندی قوتابیان دایه‌و ئه‌مه‌ش دوا هه‌نگاو نییه‌ و جه‌ختی له‌وه‌ش كرده‌وه‌ كه‌ له‌ چوارچێوه‌ی كارو پڕۆژه‌كانیان هه‌وڵ ده‌ده‌ن هه‌نگاوی زیاتر بنێن.

دواتر "دكتۆر كه‌مال سه‌عدی" سه‌رۆكی زانكۆی كامبریج له‌ هه‌ولێر رایگه‌یاند، ئه‌و قوتابییانه‌ی ده‌یانه‌وێ فێری زمانی ئینگلیزی بن ده‌بێت له‌ كۆتایی كۆرسه‌كانیان یه‌كێك له‌ تاقیكردنه‌وه‌كانی زانكۆی كامبریج بكه‌ن، تاقیكردنه‌وه‌كانیش بریتین له‌: (تاقیكردنه‌وه‌ی زانكۆی كامبریج eso، تۆفڵ، سیتی ئه‌نجلیس، پێرسن ئه‌كادیمیك و بوڵاتس ئۆنلاین) ئه‌و  تاقیكردنه‌وانه‌ جیهانیین و له‌هه‌موو رێكخراوو دام و ده‌زگایه‌ك دانیان پێدانراوه‌ جگه‌ له‌وانه‌ هیچ تاقیكردنه‌وه‌یه‌ك قبوڵ نییه‌.
زياتر بخوێنه‌وه‌ ....

الخميس، 19 مايو، 2011

وتــــــار - جیم هۆگلاند: ئۆباما پێویستی به‌وه‌یه‌ شوێن په‌نجه‌ی له‌ رۆژهه‌لاَتی ناڤینی هه‌مه‌رِه‌نگدا هه‌بێ

PNA - جیم هۆگلاند له‌ وتارێك كه‌ رۆژنامه‌یه‌كی ئه‌مه‌ریكی بڵاوبۆته‌وه‌، نووسیه‌تی: ئۆباما پێویستی به‌وه‌یه‌ شوێن په‌نجه‌ی له‌ رۆژهه‌لاَتی ناڤینی هه‌مه‌رِه‌نگدا هه‌بێ و ده‌ڵێت: جه‌نابی سه‌رۆك, ئێستا كاتی ئه‌وه‌ هاتووه‌ كورده‌كان بناسن و له‌ ئامانجه‌كانیان تێبگه‌ن.



واشنتۆن پۆست
به‌پێنوسی: جیم هۆگلاند
یه‌كشه‌ممه‌ 8ی ئاب 2010

ده‌ستپێشخه‌ریه‌كانی سه‌رۆك ئۆباما بۆرۆژهه‌لاَتی ناڤین، په‌یوه‌سته‌ به‌كۆمه‌ڵێك بنه‌مای روون و دادپه‌روه‌رانه‌، و شێوازێكن له‌ وتاربێژیی كه‌ بالاَبوون به‌ رۆح ده‌دات و خوێندنه‌وه‌یه‌كه‌ تا ئه‌وپه‌رِی سۆز و به‌زه‌یی ده‌ربرِین له‌ سروشتی مرۆڤایه‌تی ده‌كات، به‌لاَم ، به‌داخه‌وه‌، ئه‌وه‌ نه‌گونجاوه‌ له‌گه‌ڵ تێگه‌یشتنی گه‌لانی ئه‌و ناوچه‌ سه‌رسه‌خته‌ تێرنه‌بووه‌ی سه‌رنج و هه‌ست بۆلای خۆی كێش ده‌كات.

به‌و شێوه‌یه‌ رێسایه‌ك به‌ته‌نیا یان كۆمه‌ڵێك بنه‌ما ناتوانن برِبكه‌ن له‌گه‌ڵ پێداویستی و ئاره‌زوو و ئه‌ندێشه‌ی عه‌ره‌ب و جووله‌كه‌ و كورد و فارس و تورك و به‌ربه‌ر و ئه‌وانی دی، ئه‌وانه‌ی له‌به‌ر مه‌به‌ستی سیاسی و رۆژنامه‌وانی له‌هه‌رێمێكدا پۆلێنیان بۆ ده‌كرێ، ته‌نانه‌ت هه‌وڵه‌كانی سه‌رۆك شكستخواردو بوو له‌وه‌ی كه‌ به‌رده‌وامبوون و په‌یوه‌ندیگرتن له‌گه‌ڵ جیهانی ئیسلامیدا بخاته‌ نێو بازنه‌ی سیاسه‌تی ده‌ره‌وه‌ی ئه‌مه‌ریكا، ودۆخی هه‌مه‌رِه‌نگییه‌كی هه‌ڵخه‌ڵه‌تێنه‌ر و كوشنده‌ وێنا بكات كه‌ئه‌و ناوچه‌یه‌ له‌ ناوچه‌كانی دی جیاده‌كاته‌وه‌.

له‌وه‌دا ئۆباما زیانێكی كه‌سی و سیاسی به‌ر ده‌كه‌وێت، وێرِای ئه‌وه‌ی كه‌ سه‌رۆكێكی گه‌نجه‌و كۆمه‌ڵێك ده‌ستكه‌وتی به‌دیهاتووی بۆ ئه‌ژمارده‌كری، به‌لاَم ئه‌و شكستانه‌ ‌ئۆباما له‌ سیاسه‌تگه‌لێكی كاریگه‌ر دوورده‌خه‌نه‌وه‌ كه‌ له‌سه‌ر ئاستی مرۆڤایه‌تی ده‌یانگرێته‌به‌ر، وێرِای ئه‌و لاوازییه‌ی مامه‌ڵه‌كردن ده‌رهه‌ق به‌ تێكرِای ئه‌و نه‌ته‌وانه‌ی كه‌ رۆژهه‌لاَتی ناڤینیان لێ پێكدێ.

هه‌روه‌ها ناجێگیریی په‌یوه‌ندییه‌ تایبه‌تیه‌كانیش، به‌وه‌ی كه‌سانێك كه‌ به‌ گه‌رمیی میواندۆستی راهاتوون،دواتر له‌چركه‌ساتێكدا بۆی هه‌یه‌ ببنه‌ هۆكاری رقه‌به‌رایه‌تییه‌ك كه‌ تادوا ته‌مه‌نیان درێژه‌ بكێشێ، وله‌چركه‌یه‌كی تردا هه‌ڵچوونی مه‌ترسییه‌كی نه‌بوو نیشان بده‌ن له‌په‌یوه‌ندی ئه‌مه‌ریكا له‌گه‌ڵ به‌شه‌كانی دیكه‌ی جیهان.

بۆ نموونه‌، هه‌وڵه‌كانی ئۆباما سه‌ركه‌وتوو نه‌بو له‌چاره‌سه‌ركردنی كێشه‌ی ئاشته‌وایی فه‌له‌ستینی ئیسرائیلی، چونكه‌ ئۆباما یه‌كه‌م جار جه‌ختی له‌سه‌ر گونجاندنی پرانسیپه‌كانی خۆی ده‌كرده‌وه‌ له‌بری ئه‌وه‌ی هۆكاری دوژمنایه‌تیه‌كه‌ بزانێ، هه‌روه‌ك چۆن دووساڵ به‌سه‌ر وه‌رگرتنی پۆسته‌كه‌یدا تێپه‌رِی به‌بی ئه‌وه‌ی پێیه‌كانی بخاته‌ ئیسرائیل یاخود كه‌رتی رۆژئاوا.

به‌لاَم له‌ ئێران وشه‌ و كرداره‌كانی ئۆباما شكستیان هێنا و نه‌بوونه‌ ره‌نگدانه‌وه‌یه‌ك بۆ پاڵه‌وانێتی به‌ره‌نگاربوونه‌وه‌ی نائومێدانه‌ و ته‌نانه‌ت له‌ وێناكردنی شێوازی سه‌ركوتكه‌رانه‌ی ده‌سه‌لاَتیشدا سه‌رنه‌كه‌وت، به‌جۆرێك كه‌ سزاكان رۆڵێكی سه‌ره‌كییان نه‌بووه‌ له‌ راپه‌رِینی میللیدا.

هه‌روه‌ك وتاری ئۆباما له‌هه‌فته‌ی رابردووداكه‌ تایبه‌ت بو به‌كۆتاهێنانی رۆڵی شه‌رِكه‌رانه‌ی ویلایه‌ته‌ یه‌كگرتووه‌كان له‌ عێراق، هیچ جۆره‌ هه‌ستكردنێك به‌سه‌ركه‌وتن یان تێگه‌یشتنێكی بۆ ئه‌و ترس ومه‌ینه‌تییانه‌ تێدا نه‌بو كه‌ عێراقی و ئه‌مه‌ریكاییه‌كان له‌ساڵی 2003وه‌ چه‌شتوویانه‌، سه‌ره‌رِای ئه‌وه, ‌ئه‌و نیگه‌رانییه‌شی باس نه‌كرد سه‌باره‌ت به‌ ئاینده‌ی عێراق به‌بی به‌شداریكردنی ویلایه‌ته‌ یه‌كگرتووه‌كان.

به‌ڵگه‌یه‌كیش نییه‌ له‌سه‌ر نه‌بوونی ره‌هه‌ندی تایبه‌تی دیبلۆماسییه‌تی ئه‌مریكا، سه‌باره‌ت به‌ فه‌رامۆشكردنێكی ستراتیجیانه‌ ده‌رهه‌ق به‌ كورده‌كانی باكووری ئێراق، كه‌ ئه‌وان واته‌ كورد گه‌لێكن ئه‌مه‌ریكیه‌كان ده‌توانن به‌ شانازییه‌وه‌ بڵێن ئێمه‌ ئازادمانكردن له‌ چنگ شالاَوه‌كانی جینۆسایدكردن كه‌ سه‌ددام حوسێن له‌ دژیاندا پیاده‌ی كرد، حكومه‌تی ره‌شبینی ئه‌مه‌ریكا و ئه‌و بۆچوونه‌ رۆژنامه‌وانیانه‌ی كه‌سانێكی په‌رۆش بۆ گه‌رِاندنه‌وه‌ی رووداوه‌كانی رابردوو كۆیان ده‌كه‌نه‌وه‌، له‌وه‌ته‌ی سه‌دام له‌سه‌ر كار لابراوه‌ ئه‌و پێشكه‌وتنه‌ ئابووری و سه‌قامگیرییه‌ سیاسییه‌ نادیده‌ ده‌گرن كه‌ 5-6 ملیۆن كورد له‌سایه‌یدا ده‌ژین.

ئه‌وه‌ی زانراوه‌ كه‌ هه‌واڵی باش وه‌ك هه‌واڵێكی گرنگ سه‌یر ناكرێ، كورد كه‌مینه‌یه‌كی عه‌ره‌بی نین و رێژه‌ی نزیكه‌ی 17% دانیشتووانی عێراق پێك ده‌هێنن.

له‌ بری حكوومه‌ته‌ عه‌ره‌بییه‌ شۆڤێنیه‌كان و" به‌ حكوومه‌تی دابه‌شبووی ئێستای به‌غداشه‌وه‌"، حكوومه‌تی ئه‌مه‌ریكا پێشنیاری كورده‌كانی پشتگوێ خست بۆ بنیاتنانی په‌یوه‌ندییه‌كی ئه‌منی به‌هێز و راسته‌وخۆ له‌گه‌ڵ حكوومه‌تی هه‌رێمی كوردستان به‌ سه‌رۆكایه‌تی مسعود بارزانی له‌دوای كه‌مكردنه‌وه‌ی ژماره‌ی هێزه‌كانی ئه‌مه‌ریكا له‌م هاوینه‌دا، تیمه‌كه‌ی ئۆباماش كه‌ ره‌نگدانه‌وه‌ی ئاره‌زوویه‌كی پته‌وی ئه‌مه‌ریكایه‌ بۆ هه‌بوونی حكوومه‌تێكی سێنتراڵی فیدراڵی، هاوسۆزییه‌كی كه‌می له‌ به‌رامبه‌ر ئاره‌زووی مسعود بارزانی نیشاندا بۆ دامه‌زراندنی ده‌سه‌لاَتێكی لۆكاڵی به‌هێز تر به‌سه‌ر نه‌وت و سامانه‌ سرووشتییه‌كاندا.

فوئاد حوسێن سه‌رۆكی دیوانی بارزانی له‌دوا سه‌ردانیدا بۆ واشنتۆن ده‌ڵێت" ئێستا كاتی ئه‌وه‌یه‌ ویلایه‌ته‌ یه‌گكرتووه‌كان واتا و فۆرمی په‌یوه‌ندییه‌ درێژخایه‌نه‌كانی خۆیمان له‌گه‌ڵ كورد پی بڵی، چونكه‌ ئێمه‌ بیروبۆچوونه‌كانی خۆمانمان خسته‌رِوو و له‌سه‌ر ویلایه‌ته‌ یه‌كگرتووه‌كانه‌ برِیاری خۆی بدات".

لێره‌دا كۆمه‌ڵێك هۆكاری ستراتیجی هه‌ن وا بكات ویلایه‌ته‌ یه‌كگرتووه‌كان بایه‌خی زیاتر به‌په‌یوه‌ندییه‌كانی خۆی له‌گه‌ڵ كورد بدات و هه‌وڵه‌ باشه‌كانیشیان بۆ ده‌ستگرتن به‌ ئاینده‌ی خۆیانه‌وه‌ ره‌چاو بكات، هه‌روه‌كو به‌رِێز فوئاد حوسێن له‌ ئه‌نجومه‌نی ئه‌تلانتیك گوتی، نوخبه‌ی سیاسی توركی و خاوه‌نكارانی تورك دوای سالاَنێك له‌ كێشه‌و دووبه‌ره‌كی، په‌یوه‌ندییه‌كی به‌هێزیان له‌گه‌ڵ حكوومه‌تی هه‌رێمه‌كه‌ی بارزانیدا سازكرد، كورده‌كانی عیراق هه‌روه‌ها سه‌ركه‌وتووبوون له‌ گرتنه‌به‌ری رێگه‌یه‌كی پێكه‌وه‌ژیانی ئاشتییانه‌ له‌ گه‌ڵ دراوسی ئێرانیه‌كانیان و ئه‌مه‌ش یارمه‌تیده‌ری ئۆباما ده‌بێت بۆ گفتوگۆكردن له‌گه‌ڵ تاران.

ده‌ركه‌وتنی كوردستانی عیراق به‌سه‌قامگیری و به‌راده‌یه‌كی گه‌وره‌ جیاواز و هه‌ڵتۆقیو له‌نیوان توركیا وئێران، پشتێنه‌یه‌كی جوگرافی پێكهاتوو له‌ سه‌ركرده‌ گه‌لێكی غه‌یره‌ عه‌ره‌بی و ئیسلامی پێك ده‌هێنی كه‌ به‌ شێوه‌یه‌كی به‌رده‌وام به‌رژه‌وه‌ندییه‌كان له‌ نێوان خۆیاندا دابه‌ش بكه‌ن.
پێده‌چێت ویلایه‌ته‌ یه‌كگرتووه‌كان كاریگه‌ری به‌سه‌ر حكوومه‌تی ئێرانه‌وه‌ نه‌بێت، هه‌روه‌ك چۆن كاریگه‌رییه‌كه‌ی له‌سه‌ر توركیاش كه‌م بۆته‌وه‌.

جه‌نابی سه‌رۆك, ئێستا كاتی ئه‌وه‌ هاتووه‌ كورده‌كان بناسن و له‌ ئامانجه‌كانیان تێبگه‌ن. ئیسرائیل و كه‌رتی خۆرئاواش به‌ته‌نیا ناوچه‌یه‌ك نین له‌ رۆژهه‌لاَتی ناڤینداكه‌ شایسته‌ی ئه‌وه‌بن له‌ساڵی داهاتوو سه‌ردانیان بكه‌ن.

زياتر بخوێنه‌وه‌ ....

وتــــــار - بزوتنه‌وه‌ی گۆڕان له‌ توندڕه‌ویی و سه‌رلێشێواوییه‌وه‌ بۆ دوژمنایه‌تی کردنی کورد و کوردستان .... حامید گه‌وهه‌ری

وتــــــار - بزوتنه‌وه‌ی گۆڕان له‌ توندڕه‌ویی و سه‌رلێشێواوییه‌وه‌ بۆ دوژمنایه‌تی کردنی کورد و کوردستان .... حامید گه‌وهه‌ری
نزیکه‌ی دوو ساڵه‌ ژماره‌یه‌ک له‌ کادیرانی باڵای یه‌کێتیی نیشتمانیی کوردستان به‌ سه‌رۆکایه‌تیی نه‌وشیروان مسته‌فا ڕه‌سوڵ ڕێزی یه‌کێتیی نیشتمانیی کوردستانیان به‌جێهێشتووه‌ و له‌ ڕێکخراوێکدا کۆبوونه‌ته‌وه‌ که‌ بزوتنه‌وه‌ی گۆڕانی ناوه‌. له‌و دوو ساڵه‌دا، سه‌رکرده‌کانی ئه‌م بزوتنه‌وه‌یه‌ به‌شێوه‌ی جۆراوجۆر و دور له‌ به‌رژه‌وه‌ندیی گه‌لی کورد له‌ باشوری کوردستان و به‌شه‌کانی تری کوردستان، په‌لیان بۆ هه‌ر دیارده‌یه‌کی ناسالم و نایاسایی و تێكده‌رانه‌ هاویشتووه‌، تا به‌ڵکوو له‌ ناوه‌وه‌ و ده‌ره‌وه‌ی کوردستاندا، ئه‌زمونی کوردستان به‌ ئه‌زمونێکی فه‌شه‌ل و نادیموکراتیی و ناعادل بناسێنن. له‌ درێژه‌ی ئه‌و هه‌وڵانه‌یدا، ڕۆژی 29/1/2011 له‌ به‌یاننامه‌یه‌کی حه‌وت خاڵه‌دا داوای هه‌ڵوه‌شاندنی حکومه‌ت و په‌رله‌مانی کوردستانی کرد.
به‌رله‌وه‌ی که‌ سه‌باره‌ت به‌و خاڵانه‌ بدوێم و بۆ خوێنه‌رانیی ڕون بکه‌مه‌وه‌. به‌ پێویستی ده‌زانم‌ ئاماژه‌یه‌کی کورت بۆ کارنامه‌ی ئه‌م دوو ساڵه‌ی بزوتنه‌وه‌ی گۆڕان بکه‌م. دیاره‌ چاو له‌وه‌ش ده‌پۆشم که‌ به‌ڕێز نه‌وشیروان مسته‌فا ڕه‌سوڵ و هاوڕێیانی پێشتر ده‌ستیان هه‌بووه‌ له‌ کوشتنی به‌کۆمه‌ڵی خه‌ڵکی کوردستان و شه‌ڕه‌ ناوخۆییه‌کان و کوشتاری به‌ کۆمه‌ڵی ئه‌ندامانی حیزبی شیوعیی عێراق له‌ ساڵی 1983ی پشتئاشاندا و زۆربه‌ی خه‌ڵکیش له‌بیریانه‌.

1- خاڵی یه‌که‌م ڕاسته‌ نابێت پارتی دیموکراتی کوردستان، یه‌کێتی نیشتمانیی کوردستان و ڕێکخراوه‌کانی تری کوردستان، ده‌ست له‌ کاروباری حکومه‌ت وه‌ربده‌ن، به‌ڵام په‌رله‌مان به‌ ده‌نگی خه‌ڵک له‌ نوێنه‌ری حیزبه‌کان پێکهاتووه‌ و هه‌ر حیزبه‌ی مافی ئه‌وه‌ی هه‌یه‌ که‌ پڕۆژه‌ی حیزبه‌که‌ی خۆی به‌ قازانجی گه‌ل له‌ په‌رله‌ماندا بخاته‌ به‌رباس و هه‌وڵی په‌سه‌ندکردنی بدات، چونکه‌ ئه‌وان له‌ به‌رامبه‌ر ئه‌و خه‌ڵکانه‌دا که‌ ده‌نگیان به‌ نوێنه‌رانیان داوه‌، به‌رپرسن. ده‌بێت بۆ ئاساییش، ئه‌منییه‌ت، به‌رزکردنه‌وه‌ی باری ئابوریی خه‌ڵک، نه‌هێشتنی کێشه‌ کۆمه‌ڵایه‌تییه‌کان، خزمه‌تگوزاریی گشتییه‌کان، چاکسازیی و ئاوه‌دانکردنه‌وه‌ی کوردستان، نه‌هێشتنی گه‌نده‌ڵیی و سه‌ره‌ڕۆیی و ئاژاوه‌ نانه‌وه...تد‌دا، یاسا په‌سه‌ند بکرێت.



2- له‌ کام وڵاتی دونیادا، سه‌رۆکایه‌تی به‌ڕێوه‌به‌رایه‌تییه‌کان، به‌ده‌ست که‌سانی بێلایه‌نه‌وه‌ن؟ نابێت به‌رپرسانی گۆڕان نه‌زانن که‌ به‌ دوای هه‌ر هه‌ڵبژاردنێکدا له‌ ولاتانی ئه‌وروپایی و دیموکراتدا، حیزبی سه‌رکه‌وتوو له‌ هه‌ڵبژاردندا، ده‌سه‌ڵاتی هه‌موو ده‌زگاکان ده‌گرێته‌ ده‌ست و به‌رپرسانی حیزبی دۆڕاو له‌ ده‌سه‌ڵات ده‌خات، له‌ په‌رله‌مان و حکومه‌ته‌وه‌ بگره‌ تا ده‌گاته‌ به‌ڕێوه‌به‌رایه‌تییه‌کی بچوک.




3- بزوتنه‌وه‌ی گۆڕان‌ به‌ پاڵپشتی کێ و به‌ پشتبه‌ستن به‌ کام یاسا و ڕێسای ناوخۆ و جیهان و نه‌ته‌وه‌یه‌کگرتووه‌کان، ده‌ڵێن حکومه‌تێک که‌ له‌ هه‌ڵبژاردنێکی ئازاددا، گه‌ل ده‌نگی پێداوه‌، ده‌بێت هه‌ڵبوه‌شێت و حکومه‌ت بدرێت به‌ ده‌ست که‌سانی بێلایه‌ن. ئه‌و که‌سه‌ بێلایه‌نانه‌ کێن که‌ بزوتنه‌وه‌ی گۆڕان مه‌به‌ستییه‌تی. به‌ڕاستیی ئه‌گه‌ر جگه‌له‌ کوردستان، له‌ جێیه‌کی تر، ئه‌م ئیدعایه‌ بکرێیت، وه‌ک نه‌خۆشییه‌کی ده‌رونیی حیسابت بۆ که‌سه‌ ده‌که‌ن و ناهێڵن له‌ناو خه‌ڵکدا بژیت و له‌ کۆمه‌ڵگا دوری ده‌که‌نه‌وه‌.



4- چۆن ڕێکخراوێکی نه‌ته‌وه‌یه‌کی کۆڵۆنیی که‌ دوژمن ده‌وریی ته‌نیوه‌، ئه‌گه‌ر خاوه‌نی عه‌قڵی سالم بێت، له‌ژێر ناوی به‌ ڕه‌واڵه‌ت دیموکراسیی و عه‌داله‌تدا، به‌بێ ئه‌وه‌ی که‌ هیچ کۆسپێکی له‌ چار نه‌هاتووی له‌ پێش بێت، داواده‌کات، گه‌ل ده‌ست له‌ بیروڕای خۆی هه‌ڵگرێت و په‌رله‌مانی نه‌ته‌وه‌یی خۆی هه‌ڵبوه‌شێنێته‌وه‌. چۆن نه‌خۆشییه‌ک ئه‌و ڕێکخراوه‌ی داگرتووه‌؟

5- ئه‌و وته‌یه‌ که‌ په‌رله‌مان هه‌ڵبوه‌شێته‌وه‌ و له‌ ماوه‌ی سێ مانگدا هه‌ڵبژاردنێکی نۆیی بۆ بکرێته‌وه‌، هه‌ر له‌ سه‌رانی گۆڕان دێت. چونکه‌ ئه‌وانه‌‌ دوو ساڵه‌ له‌ یه‌کێتیی نیشتمانیی کوردستان جیابوونه‌ته‌وه‌، به‌ڵام هێشتا نه‌یانتوانیوه‌، خۆتان ساخ بکه‌نه‌وه‌ که‌ چین و چیان ده‌وێت.



6- له‌ کام حکومه‌ت ده‌دوێن، بۆچی ناچن سه‌دام زیندوو بکه‌نه‌وه‌، تا ئه‌و بێت و موڵکه‌کانی بستێنێته‌وه‌.




7- ئێوه‌ ئه‌گه‌ر به‌ ڕاستی باوه‌ڕتان به‌ دیموکراسیی و پلۆڕالیسمی سیاسیی هه‌یه‌، کورد گوته‌نی، باشتر نییه‌، به‌ ڕاده‌ی به‌ڕه‌ی خۆتان، پێتان ڕاکێشن؟ ئێوه‌ 25 ئه‌ندامتان له‌ کۆی 111 ئه‌ندام له‌ په‌رله‌مانی کوردستاندا هه‌یه‌، ئه‌گه‌ر پرۆژه‌یه‌کتان ئاڕاسته‌ی په‌رله‌مان کرد و توانیتان په‌سه‌ندی بکه‌ن، زۆرباشه‌، ئه‌و 86 ئه‌ندامه‌ی تری په‌رله‌مان به‌ سه‌رۆک و جێگره‌وه‌، ده‌بێت کار بۆ پرۆژه په‌سه‌ندکراوه‌که‌ی ئێوه‌ بکه‌ن. به‌ پێچه‌وانه‌شه‌وه، ئێوه‌ ده‌بێت په‌سه‌ندکراوه‌کانی په‌رله‌مان، به‌ په‌سه‌ندکراوی خۆتان بزانن و هه‌ڵی جێبه‌جێکردنی بده‌ن. جگه‌له‌وه‌ چاره‌یه‌کی ترتان نییه‌، مه‌گه‌ر تا هه‌ڵبژاردنی دوایی په‌رله‌مان سه‌بر بکه‌ن و هه‌وڵبده‌ن ده‌نگتان وه‌سه‌ر ده‌نگی پارتی دیموکرات و یه‌کێتیی نیشتمانیی و ڕێکخراوه‌کانی تر بکه‌وێت، ئه‌گه‌رنا له‌ به‌رامبه‌ر گه‌لدا به‌رپرسن و ئه‌گه‌ر حکومه‌تیش له‌ به‌رامبه‌رتاندا بێده‌نگ بێت، گه‌ل وه‌ڵامتان ده‌داته‌وه‌.

ئێستا با ته‌ماشای دۆسیه‌ی ئه‌و دوو ساڵه‌ی بزوتنه‌وه‌ گۆڕان بکه‌ین که‌ به‌ دوای جیابوونه‌وه‌ی له‌ یه‌کێتیی نیشتمانییدا چۆن زیانێکی به‌ گه‌لی کورد گه‌یاندووه‌:

- بزووتنه‌وه‌ی گۆڕان له‌ هه‌ڵبژاردنه‌کانی په‌رله‌مانی کوردستاندا زۆری هه‌وڵدا له‌گه‌ڵ (حدب‌) و ئه‌سیل نوجه‌فی دژ به‌ کورد و مافه‌کانی یه‌ک بگرێت، به‌ڵام په‌ته‌ی که‌وته‌ سه‌ر ئاو و نه‌یتوانی.

- به‌ دوای هه‌ڵبژاردنی په‌رله‌مانی عێراقدا که‌ 8 ئه‌ندام له‌ لیسته‌ی بۆ په‌رله‌مانی عێراق ده‌نگیان وه‌رگرت، له‌ کوتله‌ی کوردستانیی هاته‌ده‌ر و ویستی له‌گه‌ڵ کوتله‌ی عه‌ره‌به‌کان یه‌ک بگرێت، که‌چی لیستی ده‌وڵه‌تی یاسا به‌خۆیه‌وه‌ نه‌گرت و مالکی قبوڵی نه‌کرد و له‌وێش سه‌ره‌ڕای زیان گه‌یاندنێکی زۆر به‌ گه‌له‌که‌مان، سه‌رکه‌وتنی به‌ده‌ست نه‌هێنا.

- به‌ به‌ڵگه‌یه‌کی دروستکراو به‌ دژی ڕێکخراوه‌ کوردستانییه‌کانی ڕۆژهه‌ڵاتی کوردستان، بۆ هاندانی کۆماری ئیسلامیی به‌ دژی حکومه‌تی هه‌رێمی کوردستان، ڕایگه‌یاند: حکومه‌تی هه‌رێم یارمه‌تیی ئابوریی به‌و ڕێکخراوانه‌ ده‌کات که‌ دژی ئێران بوه‌ستن. ئه‌و ڕاگه‌یاندنه‌ی بزوتنه‌وه‌ی گۆڕان، بۆ ماوه‌یه‌ک بوو به‌ بنێشته‌خۆشکه‌ی ده‌زگاکانی کۆماری ئیسلامیی ئێران، به‌ڵام دواتر وه‌ک بڵقی سه‌ر ئاوی لێهات.

- هه‌وڵیدا به‌ دژی پارتی دیموکرات و یه‌کێتیی نیشتمانیی کوردستان، له‌گه‌ڵ هێزه‌ ئیسلامییه‌ توندره‌وه‌کان و مه‌لا کرێکار یه‌ک بگرێت که‌ ده‌نگ به‌ لیسته‌که‌ی بده‌ن که‌ دیسانیش له‌قاو دران.

- هه‌رچه‌نده‌ ده‌یانزانی که‌ دوکتۆر که‌مال میراوده‌لی که‌سێکی ناشیاو نییه‌ بۆ پۆستی سه‌رۆکایه‌تیی هه‌رێمی کوردستان، به‌ڵام بزوتنه‌وه‌ی گۆڕان هه‌موو هه‌وڵی خۆی به‌ دژی مه‌سعود بارزانیی به‌کارهێنا، تا به‌ڵکوو له‌ هه‌ڵبژاردندا سه‌رنه‌که‌وێت، که‌چی 70% ی گه‌ل به‌ ئه‌رکی خۆی هه‌ستا و پیلانه‌که‌ی پوچه‌ڵکرده‌وه‌.

- به‌ دژی پێشه‌وا قازی محه‌مه‌د و سه‌رۆک مسته‌فا بارزانیی و له‌ ڕاستییدا به‌ دژی ڕێبازانی ئه‌و دوو سه‌رکرده‌ ناودارانه‌ی کورد، عیرفان قانعی فه‌ردی هێنایه‌ که‌ سوکایه‌تی به‌و ڕێبازانه‌ بکات که‌ له‌ به‌رامبه‌ر گه‌لدا به‌چۆکدا هات و ده‌رکه‌وت قانعی فه‌رد پیاوی ئیتلاعاتی کۆماری ئیسلامیی و دوژمنی کورده‌ به‌ بزوتنه‌وه‌ی گۆڕانیشه‌وه‌.

- سه‌باره‌ت به‌ دانان و په‌سه‌ندکردنی یاسای خۆپێشاندان له‌ هه‌رێمی کوردستاندا، له‌ هه‌موو شار و شارۆچکه‌کانی کوردستان، بزوتنه‌وه‌ی گۆڕان ئاژاوه‌ی نایه‌وه‌. هه‌رچه‌نده‌ به‌شێک له‌ ئه‌ندامانی که‌ له‌ ئه‌وه‌رپا ژیاون، ئه‌گه‌ر خۆپێشاندانێکیان ڕێکخستبێت، باش ده‌زانن، له‌ ئه‌وروپای دیموکراتدا، چه‌ند ڕۆژ به‌رله‌ خۆپێشاندان، ده‌بێت ئیزن وه‌ربگرن، جێگه‌ی خۆپێشاندان، ڕێژه‌ی نیسبیی ئه‌ندامانی به‌شدار له‌ خۆپێشاندان، ماوه‌ی خۆپێشاندان به‌ دانانی کاتی ده‌ستپێکردن و کۆتایی‌، دروشمه‌کانی، به‌رپرسی خۆپێشاندانه‌که‌ به‌ پۆلیس ڕابگه‌یه‌نن. ئه‌گه‌ر له‌وکاته‌ دیارییکراوه‌دا، گروپێکی ترله‌و شوێنه‌ نه‌بێت، ده‌بێت پاره‌یه‌کی دیار بخه‌نه‌ ناو حیسابی پۆلیس تا ئیزنیان پێبده‌ن. ئه‌گه‌ر له‌ هه‌رکام له‌وانه‌ سه‌رپێچی بکرێت، به‌ سه‌گ و ئه‌سپ ده‌گه‌نه‌ سه‌ریان و ده‌ستگیریان ده‌که‌ن.

به‌هه‌رحاڵ لێره‌دا ئه‌م پرسیاره‌ خۆی زه‌ق ده‌کاته‌وه‌ که‌ ئایا بزوتنه‌وه‌ی گۆڕان بۆچی ئه‌م کارانه‌ ده‌کات، بۆ گه‌لی کورد یان دوژمنانی، یان به‌ده‌ستهێنانی ده‌سه‌ڵاتێکی ناسالم، ده‌با مێژوو وه‌ڵامی ئه‌م پرسیارانه‌ بداته‌وه‌. ده‌با بزوتنه‌وه‌ی به‌ناو گۆڕان به‌ (دروشمی گۆڕان) له‌ کوردستانی داگیرکراودا، سیستمی به‌ڕێوه‌به‌رایه‌تی کوردستان به‌ سه‌دان ڕۆژنامه‌ و گۆڤار و دامه‌زراوه‌ مه‌ده‌نییه‌کانییه‌وه‌ بخاته‌ پاڵ سیستمی دیکتاتۆریی زه‌ینه‌لعابدین بنعه‌لی که ماوه‌ی 23 ساڵی ڕه‌به‌ق، خوێنی گه‌لی تونسی مژی و نه‌یهێشت له‌ ده‌سه‌ڵات و کاروباریی سیاسیی و مه‌ده‌نیی ولاته‌که‌یاندا به‌شداربن. ڕونه‌ که‌ ئه‌م هه‌ڵسوکه‌وتانه‌ی بزوتنه‌وه‌ی گۆڕان جگه‌ له‌ دوژمنایه‌تی کردنی کورد و کوردستان، شتێکی تری لێ به‌دی ناکرێت.
زياتر بخوێنه‌وه‌ ....